കൈയ്യില് ചുരുട്ടിപ്പിടിച്ച പ്ലാസ്റ്റിക് കയറുമായി കാലനെപോലെ അജയന് നില്പ്പ് തുടര്ന്നു. ആലോചനാമഗ്നനായി തലകുമ്പിട്ടിരിക്കുന്ന രതീഷിനരുകിലേക്ക് അവന് അല്പ്പം കൂടി ചേര്ന്നു നിന്നു. രതീഷ് കൈവിരലുകളിലെ നഖാഗ്രങ്ങള് കടിച്ചുപറിച്ച് തുപ്പിത്തെറിപ്പിക്കുന്നത് നോക്കിനിന്ന്, അജയന് അക്ഷമനായി.
'രതീ.....' അജയന് പതിഞ്ഞ ശബ്ദത്തില് വിളിച്ചു. രതീഷ് തല ഉയര്ത്തിയില്ല. അവന് കണ്ണുകളിറുക്കി അടച്ചുപിടിച്ച് അലസമായി മൂളി, അജയനോട് ചേര്ന്ന് ചിന്തിക്കുന്നു എന്ന് വരുത്തി.